Bátasmíði.is

22.12.2017 19:16

Sæbjörg BA flutt í hús.

Í dag var langþráðu marki náð. Sæbjörg BA var sett inn í hús til viðgerðar. Sjá myndir í albúmi.


09.09.2017 16:17

Noregur 2017


Hafliði Aðalsteinsson vinnur að smíði báts í Noregi hjá: http://kystensarv.no/islandsk-batbygger-i-aksjon. Verkefnið er að smíða dæmigerðann breiðfirskan bát. Hafliði mældi og teiknaði upp Sendling sem Ólafur Bergsveinsson langafi hans smíðaði fyrir um 130 árum. Verkið hófst 13. ágúst og nú þegar þetta er skrifað, 9. sept., er hann að setja áttunda umfarið af níu í bátinn og stefnir að því að klára hann um næstu mánaðarmót. Myndir eru í myndaalbúmi. Einnig má benda á Facebook síðu : https://www.facebook.com/kystensarv/ 

05.08.2016 15:57

Opnun vélaafns og bátadagar 2016






Laugardaginn 2 júlí voru Bátadagar haldnir. Bátar sem þátt tóku voru einungis fjórir og hafa aldrei verið færri. Þátttakendur voru um 35. Farið var i Akureyjar  þar sem þau, Lilja og Birgir bændur tóku á móti hópnum. Veður var frekar þunmgbúið og gekk á með skúrum. Siglt var um Reykhólaeyjar á bakaleiðinni. Allt gekk eins og í sögu. Um kvöldið var haldin kvöldvaka og grillað saman í Báta- og hlunnindsýningunni. Vélasafn sem Þórhallur Matthíasson færði safninu að gjöf í fyrra var opnað formlega í kjallara hússins. Félagsmenn hafa í vetur unnið að frágangi kjallarans og er nú komin fyrirtaks aðstaða til að sýna safnið.

Myndir eru komnar inn á myndaalbúm endilega skoðið: http://batasmidi.is/photoalbums/279727/  

08.06.2016 21:30

Bátadagar 2016


Bátadagar á Breiðafirði 2 júlí 2016

Félag áhugamanna um Bátasafn Breiðafjarðar á Reykhólum (FÁBBR) í samvinnu við Báta- og hlunnindasýninguna á Reykhólum (BogH), gengst nú fyrir bátahátíð súðbyrtra trébáta á Breiðafirði í níunda sinn þann 2 júlí nk.

Eigendur trébáta eru hvattir til að mæta með báta sína. Í ár er gert ráð fyrir þægilegri og stuttri dagleið þannig að litlir bátar ættu ekki að eiga í neinum vandræðum að taka þátt.

Föstudagur 1. Júlí.  Safnast saman.

Ráðgert er að þáttakendur safnast saman á Reykhólum á föstudaginn 1 júlí. Flóð er um kl. 17 og þá er gott að setja bátana niður í höfninni á Reykhólum, þaðan sem farið verður í siglinguna daginn eftir.

 Laugardagur 2. Júlí.

Á laugardagsmorgun verður haldið frá Reykhólum um kl. 10

Áætlunin er að sigla til Akureyja en Akureyjarbændur, Lilja Gunnarsdóttir og Birgir Bjarnason hafa verið svo vinsamleg að bjóða bátafólkið velkomið að stíga á land og skoða sig um. Ef veður og aðstæður bjóða er möguleiki á að lengja ferðina að Fagradal á Skarðströnd.

Akureyjar eru eyjaklasi sem liggur um 5 km úti fyrir Skarðsströnd og svipaða vegalengd frá Reykhólum, nokkru utan við mynni Gilsfjarðar. Í klasanum eru um 30 eyjar og grashólmar. Akureyjar þóttu fremur þægilegar til búskapar miðað við aðrar Breiðafjarðareyjar og var helsta ástæða þess sú að þær eru skammt frá landi.

 Á árunum 1907-1927 fengust af Akureyjum að meðaltali 50 kg. af hreinum dún, 30-40 vorkópar og svipuð tala af haustkópum, um 10 þúsund lunda kofur (pysjur) og 18-20 kýrfóður af töðu. Talnaglöggir geta reiknað hvað þetta er að núvirði en ljóst er að Akureyjar voru og eru kostajörð.

Háflóð er um kl. 18 um kvöldið þannig að þeir sem vilja geta tekið báta sína upp við ferðalok. Gera má ráð fyrir að ferðin taki um 5-6 klst. 

Um kvöldið verður haldið sameiginlegt grill við hús Báta og hlunnindasýningarinnar, sem leggur til grill og kol og húsnæði til að matast í.

Hinir landsfrægu stuðboltar og bræður Bergsveinn og Hlynur Snær Theodórssynir munu síðan skemmta fram eftir nóttu. Bræðurnir eru af breiðfirskum ættum og langafi þeirra Gísli Bergsveinsson var bóndi í Akureyjum 1927-32.

Að sjálfsögðu ráða aðstæður, sjávarföll og veður, mestu um hvernig siglingarnar verða og áætlunin getur því breyst ef aðstæður krefjast. Siglingin verður undir stjórn manna sem þekkja vel til aðstæðna við Breiðafjörð.

Formaður hvers báts er ábyrgur fyrir því að nauðsynlegur öryggisbúnaður sé fyrir hendi um borð. Vinsamleg tilmæli eru að allir þáttakendur verði með bjargbelti og að sem flestir bátar séu búnir björgunarbátum. 

Björgunarsveit Landsbjargar á Reykhólum, Heimamenn, mun verða með í för með nýjan og öflugan bát okkur til halds og trausts.

Allir súðbyrðingar er velkomnir og við viljum hvetja sem flesta til að nýta sér þetta tækifæri til siglingar um þetta fallega umhverfi.

Mjög góð aðstaða fyrir minni báta er á Reykhólum og einnig er mjög góð aðstaða fyrir ferðamenn í Reykhólasveit. Sjá nánar  á www.visitreykholahreppur.is/.

Gisting í Reykhólahreppi;  http://www.visitreykholahreppur.is/page/34171/

Gisting í Dalasýslu; http://www.dalabyggd.is/ferdathjonusta/gisting/

Báta- og hlunnindasýningin verður opin. http://visitreykholahreppur.is/page/34165/.

Frekari upplýsingar veita: Harpa Eiríksdóttir, info@reykholar.is,  s: 894-1011 og

Sigurður Bergsveinsson, sberg@isholf.is, s: 893-9787


05.05.2016 09:00

Nýr súðbyrðingur sjósettur


Það gerist ekki á hverjum degi að sjósettur er nýbyggður súðbyrðingur.

Ráðgert er að sjósetja nýjan súðbyrtan bát í Kópavogshöfn á laugardaginn 7. maí nk.

Byggingasaga þessa báts er um margt sérstök.

Félag áhugamanna um bátasafn Breiðafjarðar á Reykhólum (FÁBBR) hefur staði fyrir námskeiðahaldi í gerð súðbyrðinga í samvinnu við Iðu fræðslusetur. 

Tilgangur námskeiðanna er að viðhalda þekkingu í gerð og vinnubrögðum við smíði slíkra báta sem hafa verið smíðaðir allt frá landnámi og byggja á smíðahefð víkingaskipanna. 

Hafliði Már Aðalsteinsson skipasmíðameistari frá Hvallátrum á Breiðafirði og Eggert Björnsson bátasmiður hafa annast kennslu á námskeiðunum.

Í byrjun árs 2012 hannaði Hafliði og teiknaði bát sem er byggður á hefðbundnum breiðfiskum hlunnindabátum en aðeins breiðari og dýpri en þeir voru.  

Hafliði notaði síðan hönnunina á 6 námskeiðum sem haldin voru frá því í febrúar árið 2012 og fram í mars 2013. Alls tóku um 50 menn þátt í námskeiðunum. Lagður var kjölur að bátnum og hann síðan fullbyrtur og sett í hann 4 bönd. 

Síðan hefur ekkert verið unnið í bátnum þangað til í vetur (2016) að Hafliði og Eggert tóku sig til og kláruðu að smíða bátinn og setja niður vélbúnað og fullgera hann.

Sturla Jóhannsson frá Öxney á Breiðafirði keypti bátinn og hefur gefið honum nafnið Öxney. Bátinn hyggst Sturla nota við hefðbundnar hlunnindanytjar við Breiðafjörð.

Öxney er 5,85 m á lengd, 2,02 m á breidd og 0,93 m á dýpt. Í honum er 30 hestafla Yanmar vél.
Báturin er smíðaður úr furu og eik og er með utanáliggjandi stýri.

01.03.2016 22:00

Í víking til Noregs






Óskað hefur verið eftir því að Hafliði Aðalsteinsson skipasmíðameistari og formaður FÁBBR komi til Noregs og smíði dæmigerðan breiðfirskan bát, fjögurra manna far.

 

Vinfastur sem smíðaður var af félagsmönnum FÁBBR  er slíkur bátur, sjá mynd.

 

Búið er að fjármagna verkefnið og stefnt að því að þetta geti orðið að veruleika vorið 2017.


Þetta er mikill heiður fyrir Hafliða og óskum við honum til hamingju með þetta.


Hanus Jensen, skipasmiður frá Færeyjum, smíðað færeyskan bát í Noregi árið 2014 og nú er komið að Hafliða.

 

Sjá hér frétt frá Noregi.

 

Hurra! Norsk Kulturråd har bevilget kr 120.000 til museet for å få båtbygger Haflidi Adalsteinsson fra Island hit til museet for å bygge en tradisjonsbåt fra Island. https://www.facebook.com/kystensarvmist/photos/a.1442572019297681.1073741828.1442567939298089/1765586946996185/?type=3&theater

26.02.2016 18:36

Námskeið 26-27 febrúar 2016


Fyrsta námskeiðið í smíði trébáta á árinu eru nú (26-27 febrúar 2016) haldið húsnæði Iðu fræðsluseturs (idan.is)  að Vatnagörðum 20 í Reykjavík en námskeiðið er haldið í samvinnu Iðu fræðsluseturs og FÁBBR. Þáttakendur að þessu sinni eru 8. Kennarar eru sem fyrr Hafliði Aðalsteinsson skipasmíðameistari og Eggert Björnsson bátasmiður.

Verkefnin að þessu sinni er kennsla í viðgerð á gömlum bát og frágangur á nýjum bát.

Eldri báturinn er bátur sem Valdimar Ólafsson (1906-1939) í Hvallátrum (afabróðir Hafliða) smíðaði árið 1934 fyrir Júlíus Sigurðsson(1876-1961) á Litlanesi á Barðaströnd og var báturinn yfirleitt kallaður Litlanesbáturinn og var hlunnindabátur á Litlanesi í áratugi. Hafliði er að vinna að endurbyggingu bátsins fyrir Hilmi Bjarnason stjórnarmann í FÁBBR.

Sigurjón Árnason (1923-2010) skipasmiður í Flatey, afi Hilmis, smíðaði á árunum um og eftir 1950 fjóra báta eftir Litlanesbátnum; Andvara, Bjarma, Hring og Múlabátinn. Þessir bátar eru allir til í dag og eru allir nema Andvari í mjög góðu ástandi.

Myndir frá námskeiðinu eru í myndaalbúmi. http://www.batasmidi.is/photoalbums/277391/

26.12.2015 18:03

Vélasafnið - fróðleikur


Eins og fram koma hér á síðunni í september þá bættist vélasafn Þórhalls Matthíassonar frá Litlabæ í Skötufirði við Báta- og hlunnindasýninguna á Reykhólum.

Nú hefur safnið verið skrá eftir upplýsingum frá Þórhalli.

Ýmislegt fróðlegt kemur í ljós við skráningu safnsins.

Vélarnar eru alls 102 af 42 tegundum og eru framleiddar í 8 löndum. Ekki er vitað um aldur allra vélanna en af þeim sem vitað er um er elsta vélin frá 1926 og sú yngsta frá 2001. Notkun vélanna hefur verið mjög fjölbreytt en um 80% eru báta- eða ljósavélar. Vélarnar koma víða að, rúmlega helmingur er af Norðurlandi og um þriðjungur af Vestjörðum, Breiðafirði og Vesturlandi.

Í haust var unnið að því að gera húsnæði tilbúið fyrir sýninguna og gekk það vel og í vor verður safnið sett upp ásamt merkingum.

Við viljum hvetja alla áhugamenn að gera sér ferð á Reykhóla næsta sumar og skoða þetta stór merka safn.

Hér á eftir fylgja nokkrar töflur fyrir áhugasama að skoða betur.

Fjöldi véla og framleiðsluland
10 Sabb norsk
10 Solo sænsk
8 Albin sænsk 
7 Briggs & Stratton usa
7 Stuart ensk
6 Volvo Penta sænsk
4 Skandia sænsk
4 Hatz þýsk
3 Bukh dönsk
3 Göta sænsk
3 Sleipner norsk
2 Lister ensk
2 Marna norsk
2 Penta Göteborg sænsk
2 Petter ensk
2 Wisconsin usa
2 VM Ítölsk
1 AB Electrolux sænsk
1 Bolinder sænsk
1 Drott sænsk
1 Ellwe sænsk
1 Faryman þýsk
1 FM norsk
1 Ford usa
1 Ford Mermid ensk
1 Gardner þýsk
1 Göta eða Solo sænsk 
1 Kröve norsk
1 Kvikk norsk
1 Köhler usa
1 Lombardini ítölsk
1 Neptune usa
1 Q.M. norsk
1 Royal Enfield ensk
1 Röston ensk
1 Skrúfa frá Göta vél sænsk
1 Startmótor rússneskur  
1 Stord norsk
1 Universal usa
1 Victor ensk
1 Villers ensk
1 Witte usa
102 42  

Uppruni véla
Norðurland 57
Vestfirðir 25
Breiðafjörður 7
Vesturland 6
Austfirðir 5
Suðurland 2
  102

Bátavél 69
Dæluvél 1
Fjölnotavél 13
Kranavél 1
Ljósavél 9
Rafstöð 1
Sláttuvél 1
Skrúfa 1
Spil 1
Startvél 1
Súgþurrkunarvél 2
Utanborðsvél 2
Fjölnotavélar t.d.  
 - Mjaltavélar  
 - Hrærivélar  
 - Sláttuvélar   
 - o.fl.  
  102



  • 1

Bátasafn Breiðafjarðar

Nafn:

Bátasafn Breiðafjarðar

Staðsetning:

Reykhólar

Tenglar

Flettingar í dag: 116
Gestir í dag: 39
Flettingar í gær: 73
Gestir í gær: 42
Samtals flettingar: 828304
Samtals gestir: 120246
Tölur uppfærðar: 10.12.2018 18:43:52

Gestir

free counters